Aurkezpena

Amaia Ibarlucea Canales naiz, Arte Ederretan lizentziatua eta Diseinu Grafiko eta Web Diseinuan tituluduna naiz. DBH-ko, Batxilergoko, Lanbide Heziketako eta Hizkuntzen Irakaskuntzako Irakasleen Prestakuntza Masterra ere lortu nuen. Gaitasun linguistikoei dagokienez, euskerako eta ingeleseko Gaitasun-Mailako C1 ziurtagiriak ditut.

Nire kurrikulumean agertzen den bezala, esparru desberdinetan lan egin dut; artelanen zaharberritzean, arte heziketan eta disenuan (grafiko eta web). Azken urteetan gainera museo munduan lan egiteko aukera izan dut nire lanbidea garatuz eta heziketa, kultura eta ondareari buruzko ezagupenak zabalduz. Goaz Museum-en argazki agiritegian digitalizazio eta katalogazio lanak egin ditut eta Euskal Museoan, hezitzaile bezala lan egin dut.

Momentu honetan Bizkaiko Arkeologi Museoan ari naiz beharrean hainbat zeregin ditudalarik. Bertan, harreraren eta administrazio arloaren arduradura izateaz gain, hezitzaile teknikari gisa ere erantzukizunak ditut: bisita gidatuak eta tailerrak egin, eduki eta material didaktikoak prestatu, eskuorriak eta liburuxkak diseinatu eta museoaren irudia sare sozialetan hedatu.

Nire interesei dagokienez, oso gustoko dut artea, heziketa, kultura eta ondarearekin zerikusia duen edozer, hori dela eta nire desioa horrelako ingurunetan trebatzen jarraitzea da profesionalki garatzen jarraitu ahal izateko eta nire ezagutzen ekarpena egiteko.